الأربعاء, تشرين2/نوفمبر 22, 2017

رئيس مجلس الإدارة :حسين زين رئيس التحرير :خالدحنفى

sohahosmam.jpg

سها حسام خريجة كلية اعلام قبل دخولي كلية الإعلام وانا شغفي توصيل أشياء هادفة ومفيدة للناس فقررت ادخل جامعة الإعلام وفي خلال دراستي اتدربت في كذا مسلسل وبرنامج وبعد تخرجي اشتغلت في كذا مجال بعيدا عن الميديا وملقتش نفسي خالص فقررت ارجع تاني ودخلت المجال تاني في إحدى القنوات الفضائية كproducer واستضفني الشيف يسري في برنامجه علي قناة الحياة(المطبخ) ومن هنا حسيت اني ممكن افيد ناس كتير بأفكار جديدة وانا كإعلامية ممكن أوصلهم المعلومة أبسط واتمنى اني أحقق ده ان شاء الله . تفاصيل فقرتي في برنامج 6ستات اني بحاول اقدم شئ جديد ومفيد في نفس الوقت .. وانا بحب الأطفال جدا وأم وبالإضافة لده اني عندي حضانة خاصة بيا فعارفه يعني ايه أطفال مش بياكلوا وعارفه يعني ايه ممكن يكون أطفال كتير متعبين في اكلهم للخضار والفاكهة فقررت اقدم اكلات بشكل جديد واتمني تفيد الأمهات والأطفال..والأطفال هم السهل الممتنع لو حبوني وحبوا وصفاتي أن شاء الله أظن الكبار كمان هيحبوها. يوم الخميس هو يوم الأطفال في برنامج ست ستات من الساعة 6 للساعة 7 علي الهواء مباشرة وده بيخليني سعيدة جدا لتفاعلي مع الناس من خلال الاتصالات الهاتفية . وهيكون فقرة من فقرات الحلقة بستضيف دكتور أطفال في مداخلة تليفونية بحاول نستفيد منه على قدر الإمكان بمعلومات خاصة بتغذية الأطفال السليمة بالإضافة لأي معلومات تهم كل الأمهات عن أطفالهم وطبعا من الفقرات المحببة والمفضلة لقلبي استضافة طفل يشارك معايا في تقديم طبق وتزيينه بالإضافة إلي تقديم معلومة أسبوعية عن فن الاتيكيت للاطفال لاني درست فن الاتيكيت والبروتوكول في الجامعة واحب كل الأطفال يتعلموا آداب يتأسسوا عليها وتنفعهم مستقبلا أن شاءالله . فكرة برنامج ست ستات لاقت نسبة مشاهدة ونجاح كبير وكانت الفكرة للعبقري رئيس التحرير دكتور علاء رجب لأننا بنقدم برامج كتير في أسبوع واحد 6 ستات بيغطوا جميع الأكلات اللي ممكن تتقدم في قناة كاملة وده اللي حققته قناة الحياة وطبعا نسبة مشاهدة قناة الحياه ده كفيل بنجاحنا لأنها قناة قديمة ولها اسم كبير في السوق والميديا ومحافظة علي مكانتها بالرغم من ظهور العديد من القنوات الفضائية..وكمان من العوامل اللي مقدرش انساها مدير تحرير و فريق إعداد ومدير انتاج واخراج يمكن الاعتماد عليه لنجاح اي برنامج