الأربعاء, فبراير 26, 2020
رئيس مجلس الإدارة :حسين زين || رئيس التحرير :خالدحنفى
كتب : علاء عبد المنعم

frggggggg.jpg

اشتغالات .. ورا اشتغالات
شغالة كورسات على دورات
دورات فى قاعة .. بالساعة
والنصب فكرة مع أدوات ..

دورات فى تنمية بشرية
موضوع لذيذ..ميّة الميّة
وكلام بينزل .. حنفيّة
ويلهفوا تمن الكورسات

مُدربين .. تدريب عالي
فى النصب ع البال الخالي
وتعاللى يا حبيبى الغالى ..
ويلهفوا شىء وشويات.!!

والعِـدّة بدلة .. وجــرافتة
ونضارة والتاب فى الشنطة
وقاعــة بالأجرة ..أونــطة
والناس هاتيجى بإعلانات

والإعلانات عندنا .. كارثة
ورقابة بالناس مش حاسّة
وكأنها الدولة ..موالسة !!!
ومطنشة شغل العصابات

والدورة على ألف وألفين
وبعد خصم شديد ومتين
يـقـلّبوا م الناس قرشين
بورقة ولا ليها اعتمادات